1. Amua lengo la website
Kabla ya kuongea na mtengenezaji, amua website ifanye nini: ikuletee maulizo, booking, au mauzo ya mtandaoni. Lengo hilo ndilo linaloamua kurasa, muundo na gharama.
2. Chagua mtengenezaji kwa makini
Omba mifano ya website halisi zilizo hewani, zifungue kwenye simu ukitumia data ya simu. Uliza: domain itakuwa ya nani? Nitaweza kubadilisha bei na picha mwenyewe? Wateja wataweza kulipa kwa M-Pesa? Nini kitatokea baada ya website kuzinduliwa?
3. Kurasa muhimu
- Mwanzo: unachofanya, kwa nani, na mahali ulipo, wazi kwenye skrini ya kwanza.
- Ukurasa kwa kila huduma au kundi la bidhaa: husaidia sana kwenye Google.
- Kuhusu sisi: historia, timu na picha halisi.
- Ushahidi: maoni ya wateja, kazi ulizofanya na nembo za wateja.
- Mawasiliano: WhatsApp, simu, barua pepe na ramani.
4. Rahisisha kuwasiliana na kununua
Weka kitufe cha WhatsApp kila ukurasa, onyesha bei pale inapowezekana, na kama unauza mtandaoni, kubali M-Pesa, Mixx by Yas, Airtel Money na kadi.
5. Kasi kwenye simu
Wateja wengi Tanzania wanatumia simu na data. Website inapaswa kufunguka ndani ya sekunde mbili hadi tatu. Picha zibanwe ukubwa na hosting iwe nzuri.
6. Ionekane Google
Sajili website kwenye Google Search Console, wasilisha sitemap, tengeneza Google Business Profile yenye jina, anwani na namba sawa na kwenye website, na waombe wateja wakuandikie maoni (reviews).
7. Ilinde na uitunze
Hakikisha kuna SSL (https), ulinzi dhidi ya bots, backups za mara kwa mara na masasisho. Website isiyotunzwa huharibika au kudukuliwa.
Maswali yanayoulizwa mara kwa mara
Website ya biashara inahitaji kurasa gani?
Angalau: ukurasa wa mwanzo, ukurasa kwa kila huduma au kundi la bidhaa, ukurasa wa kuhusu sisi, ukurasa wa mawasiliano wenye WhatsApp, simu na ramani, na ushahidi kama maoni ya wateja.
Nimiliki jina la domain mwenyewe?
Ndiyo. Domain, website na maudhui yanapaswa kuwa mali ya biashara yako, si ya mtengenezaji.
Website itaonekana Google baada ya muda gani?
Mara nyingi siku chache hadi wiki chache baada ya kuiwasilisha kwenye Google Search Console. Kushika nafasi za juu kwa maneno yenye ushindani huchukua miezi kadhaa.